Gossip Lanka Political වෙබ් අඩවියේ පලවන සැම පුවතක්ම වගකිමේන් යුතුව වාර්තා කරන බව අප ඉතා වගකිමෙන් යුතුව අවධාරණය කර සිටිමට කැමැත්තෙමු. එමෙන්ම අප විසින් කරන සියලුම අනාවරණයන් සම්බන්ධයෙන් අප වගකියන අතරම එම අනාවරණයන් හරහා ඔබ යම් අපහසුතාවකට ලක්වුයේ නම් ඒ සම්බන්ධයෙන් පිළිතුරු දිමේ අයිතිය අප විසින් තහවුරු කර තිබේන බව කරුණාවෙන් සලකන්න. ලියන්න – GLP

කහවත්ත ප්ලාන්ටේෂන් වතුයාය නිල්බලකායේ ග්‍රහණයට.


ශ්‍රී ලංකාවේ සුප්‍රකට පුද්ගලික වතු සමාගමක් වන Kahawatta Plantation PLC ලැයිස්තු ගත සමාගමට අයත් රත්නපුරේ Poranuwa Estate (පෝරණුව වතුයාය) නාමල් රාජපක්ෂ මහතාගේ නිල්බලකායේ ග්‍රහණයට නතුවී පණ අදිමින් සිටින බව එම ප්‍රදේශයේ ජනතාව සඳහන් කර සිටී. 

පසුගියදා රත්නපුර ප්‍රදේශයේ සංචාරයක් සඳහා පැමිණි ජනාධිපති පුත් පාර්ලිමේන්තු මන්ත්‍රී නාමල් රාජපක්ෂ මහතාගෙන් එම ප්‍රදේශයේ නිල් බලකායේ සාමාජිකයන් ඉල්ලා ඇත්තේ තමන්ට හුරු පුරුදු එකම රස්සාව මැණික් ගැරීම බැවින් ඒ සඳහා ඉඩම් ලබාදෙන ලෙසයි. නිල් බලකායේ සාමාජිකයන් GPS satalite System තාක්ෂණය ඔස්සේ මැණික් බහුලව පවතින ප්‍රදේශ ලෙස කහවත්ත ප්ලාන්ටේෂන් වතුයායට අයත් පෝරණුව වතුයායත් ඒ අසල පිහිටි අගලවත්ත ප්ලාන්ටේෂන් සමාගමට අයත් Kiribathgala Estate සමාගම්වලට අයත් භූමි ප්‍රදේශ හඳුනාගෙන ඇත.

මේ බව නාමල් රාජපක්ෂ මහතාට පැවසීමෙන් පසු ඔහු පවසා ඇත්තේ ඔවුන්ට කැමති දෙයක් කර ගන්නා ලෙසයි. නාමල් මන්ත්‍රීවරයාගේ පිලිතුරෙන් අමන්දානන්දයට පත්වී ඇති ආධාර කරුවෝ ඇඹිලිපිටිය, හම්බන්තොට, අගුණකොලපැලැස්ස ආදී ප්‍රදේශවලින් කුඩා ඩිමෝ බට්ටන්ගෙන් ඉහත කී වතුයායන් ආක්‍රමණය කර ඇත.

සරුවට වැඩී ඇති තේ පඳුරු ඉවක් බවක් නැතුව ගලවා විසිකර දමා ඇති නාමල්ගේ නිල්බලකා සාමාජිකයන් එම ප්‍රදේශයේ පස් කපා ඉවත්කරගෙන තමන්ගේ ගම් ප්‍රදේශ කරා රැගෙන යාමට පටන් ගෙන ඇත. මේ වන විට නිල් බලකාය හැරුණු විට ආණ්ඩුවට ආධාර කරන වෙනත් පිරිස්ද මෙම වතු දෙක ආක්‍රමණය කරමින් තේ වගාව සහ මුලින්ම විනාශ කර දමා ඇත. මෙම තත්වය වතු අධිකාරීවරුන්ට පාලනය කර ගත නොහැකිව ප්‍රදේශය නියෝජනය කරන නියෝජ්‍ය අමාත්‍ය ප්‍රේමලාල් ජයසේකර නොහොත් ‘චොකා මල්ලීට' දන්වා ඇති අතර ඔහු පොලීසිය සමග පැමිණ මෙම විනාශය නැවැත්වීමට පියවර ගනිද්දී නාමල්ගේ ආධාර කරුවන් ඔහුට තර්ජනය කරමින් පවසා ඇත්තේ ‘ඇමතිතුමා මේක නැවැත්තුවොත් අපි ආණ්ඩුවට ඡන්දෙ දෙන්නෑ' කියාය. නාමල්ගේ ආධාරකරුවන්ගේ තර්ජන හමුවේ චොකා මල්ලී ඇමතිතුමා පසුබැස ගොස් ඇත.

මෙම තත්වයෙන් ගොඩ ඒම සඳහා කහවත්ත ප්ලාන්ටේෂන් සමාගම ඔවුන්ට අයත් පෝරණුව වතුයාය මැණික් හා ස්වර්ණාභරණ අධිකාරියට එම ඉඩම වෙන්දේසි කිරීම සඳහා භාරදීමට කටයුතු යොදමින් සිටින බව එම සමාගමේ ඉහළ විධායක නිලධාරියෙකු පැවසීය.


Share on Google Plus

Right to Reply

Gossip Lanka Political වෙබ් අඩවියේ පලවන සැම පුවතක්ම වගකිමේන් යුතුව වාර්තා කරන බව අප ඉතා වගකිමෙන් යුතුව අවධාරණය කර සිටිමට කැමැත්තෙමු. එමෙන්ම අප විසින් කරන සියලුම අනාවරණයන් සම්බන්ධයෙන් අප වගකියන අතරම එම අනාවරණයන් හරහා ඔබ යම් අපහසුතාවකට ලක්වුයේ නම් ඒ සම්බන්ධයෙන් පිළිතුරු දිමේ අයිතිය අප විසින් තහවුරු කර තිබේන බව කරුණාවෙන් සලකන්න. ලියන්න – GLP
    Comment
    Facebook Comment