Gossip Lanka Political වෙබ් අඩවියේ පලවන සැම පුවතක්ම වගකිමේන් යුතුව වාර්තා කරන බව අප ඉතා වගකිමෙන් යුතුව අවධාරණය කර සිටිමට කැමැත්තෙමු. එමෙන්ම අප විසින් කරන සියලුම අනාවරණයන් සම්බන්ධයෙන් අප වගකියන අතරම එම අනාවරණයන් හරහා ඔබ යම් අපහසුතාවකට ලක්වුයේ නම් ඒ සම්බන්ධයෙන් පිළිතුරු දිමේ අයිතිය අප විසින් තහවුරු කර තිබේන බව කරුණාවෙන් සලකන්න. ලියන්න – GLP

ලංකාවේ අපරාධ වැඩිවීම සම්බන්ධව කියන්න මහින්ද ජිනීවා යාමට සැරසෙයි.


යහපාලන ආණ්ඩුව යටතේ අපරාධ වැඩිවී ඇති බව හිටපු ජනාධිපති මහින්ද රාජපක්ෂ පවසයි. ඝාතනයට ලක් වූ රත්ගම ප්‍රාදේශීය සභාවේ සභාපති මනෝජ් මෙන්ඩිස්ගේ දේහයට අවසන් ගෞරව දැක්වීමට පැමිණි අවස්ථාවේදී මාධ්‍යවේදීන් හමුවේ හිටපු ජනාධිපතිවරයා මේ බව පවසා තිබේ.

එසේ ම ලංකාවේ සිදුවන අපරාධ සම්බන්ධයෙන් ජාත්‍යන්තරය හමුවේ කරුණු දැක්වීමට ජිනීවා යාමට මහින්ද රාජපක්ෂ සූදානම් වන බව ද වාර්තා වේ.

ඔහු මීට පෙර ද ලංකාවේ සිදු වූ ඝාතන සම්බන්ධයෙන් ජිනීවා ගොස් මානව හිමිකම් සංවිධානවලට පැමිණිලි කළේය. ඒ මීට වසර 25 කට පමණ පෙර 1987 - 1989 කාලයේදීය. ඒ සමයෙහි සිදුවූ තරුණ ඝාතන සම්බන්ධයෙන් ජාත්‍යන්තරය දැනුවත් කරන්නට එවකට පාර්ලිමේන්තු මන්ත්‍රීවරයෙකු වූ මහින්ද රාජපක්ෂ කටයුතු කළේය.

ඒ බව ලංකාවේ ජනතාවට හොඳින් මතක තිබේ. එහෙත් පසුගිය වසර දහයකට වඩා වැඩි කාලය තුළ ඒ බව ජිනීවා ගිය මහින්දට අමතක විය. නැතහොත් අමතකවූවා සේ කටයුතු කළේය. එසේ අමතක නොවූයේ නම් ලසන්ත වික්‍රමතුංග ඝාතනය සම්බන්ධයෙන් ඔහු ජිනීවා යා යුතුය, ප්‍රගීත් එක්නැලිගොඩ අතුරුදන්වීම සම්බන්ධයෙන් ජිනීවා යා යුතුය, ලලිත් - කුගන් දෙදෙනා අතුරුදන්වීම සම්බන්ධයෙන් ජිනීවා ගොස් පැමිණිලි කළ යුතුය. සුදුවෑන් භීෂණය, අධිකරණය සිදුවූ අතපෙවීම්, අගවිනිසුරු බලයෙන් පහකිරීම ආදී දේ සම්බන්ධයෙන් ජාත්‍යන්තර මානව හිමිකම් සංවිධාන දැනුවත් කළ යුතුය. පසුගිය කාලයේ සිදු වූ අපරාධ සම්බන්ධයෙන් ජිනීවා ගියා නම් හිටපු ජනාධිපතිවරයාට සිදුවන්නේ අවම වශයෙන් දිනකට දෙතුන් වරක්වත් ජිනීවා යන්නටයි.

එකළ ඔහු කටයුතු කළේ ජිනීවා නම් නගරයක් තිබෙන බව හෝ නොදැනය. නැතහොත් 87-89 කාලයේ එවැනි පැමිණිලි නොකළ අයෙකු පරිද්දෙනි. දැන් නැවතත් බලය අහිමිවීමෙන් පසු ජිනීවා නම් නගරයක් පිළිබඳව ඔහුට මතක් වී ඇත.

මේ සැරසෙන්නේ අහිමි වූ බලය සහ ජනතා ආකර්ශනය ලබාගැනීම සඳහා අතීතයේ මෙන් මානව හිමිකම් වීරයාගේ භූමිකාවට නැවත ආරූඪ වීමටයි. එහෙත් මෙරට ජනතාව යකාගේ හැටි වසර ගණනක් තිස්සේ හොඳින් හඳුණාගෙන සිටින හෙයින් කුමන ආරූඪයෙන් පැමිණියද නොරැවටෙනවා සිකුරුය.


Share on Google Plus

Right to Reply

Gossip Lanka Political වෙබ් අඩවියේ පලවන සැම පුවතක්ම වගකිමේන් යුතුව වාර්තා කරන බව අප ඉතා වගකිමෙන් යුතුව අවධාරණය කර සිටිමට කැමැත්තෙමු. එමෙන්ම අප විසින් කරන සියලුම අනාවරණයන් සම්බන්ධයෙන් අප වගකියන අතරම එම අනාවරණයන් හරහා ඔබ යම් අපහසුතාවකට ලක්වුයේ නම් ඒ සම්බන්ධයෙන් පිළිතුරු දිමේ අයිතිය අප විසින් තහවුරු කර තිබේන බව කරුණාවෙන් සලකන්න. ලියන්න – GLP