Gossip Lanka Political වෙබ් අඩවියේ පලවන සැම පුවතක්ම වගකිමේන් යුතුව වාර්තා කරන බව අප ඉතා වගකිමෙන් යුතුව අවධාරණය කර සිටිමට කැමැත්තෙමු. එමෙන්ම අප විසින් කරන සියලුම අනාවරණයන් සම්බන්ධයෙන් අප වගකියන අතරම එම අනාවරණයන් හරහා ඔබ යම් අපහසුතාවකට ලක්වුයේ නම් ඒ සම්බන්ධයෙන් පිළිතුරු දිමේ අයිතිය අප විසින් තහවුරු කර තිබේන බව කරුණාවෙන් සලකන්න. ලියන්න – GLP

සජිත්ගේ රැළි වලට ඓතිහාසික ජන සහභාගීත්වයක්: පොහොට්ටුව නොසන්සුන්!



එක්සත් ජාතික පක්ෂය ප්‍රමුඛ ප්‍රජාතන්ත්‍රවාදී ජාතික පෙරමුණේ ජනාධිපතිවරණ අපේක්ෂක සජිත් ප්‍රේමදාස මහතා සහභාගී වන ජන රැළි සඳහා අතිවිශාල ජනකායක් එක්රැස්වීම ශ්‍රී ලංකා පොදුජන පෙරමුණට බරපතළ ලෙස ගැටළු සහගත වී ඇති බව ආරංචිමාර්ග සඳහන් කරයි. 

පෙරේදා (06) දිනයේ රාත්‍රියේ බණ්ඩාරවෙල නගරයේ පැවති ජනරැළියට සහභාගී වූ අතිවිශාල ජනකාය මෙන්ම ඊයේ (07) දිනයේ දෙනියාය, අකුරැස්ස සහ හබරාදූව ප්‍රදේශවල පැවති ජනරැළි සඳහා පැමිණි සුවිසල් සෙනඟ පොහොට්ටුවට යම් කම්පනයක් ඇතිකිරීමට සමත්ව ඇති බවයි වාර්තා වූයේ. 

විශේෂයෙන් සෙනඟ පෙන්වා ප්‍රතිවාදීන් බියවැද්දවීමේ මානසික මෙහෙයුම මෙතෙක් කල් අතිසාර්ථක ලෙස කරගෙන පැමිණියේ ශ්‍රී ලංකා පොදුජන පෙරමුණ විසින්ම බැවින් සජිත් ප්‍රේමදාස මහතාට සුවිසල් සෙනඟක් පෙන්වීමට හැකිවීම තුළින් පොහොට්ටුවට තමන්ගේ ක්‍රමවේදයම පෙරළා ප්‍රහාරයක් ලෙසින් එල්ල වී ඇති බව සඳහන්. 

ගෝඨාභය රාජපක්ෂ මහතා අමතන රැළි සඳහා ද සෙනඟෙහි අඩුවක් නැතත් ඔහු දිනකට රැස්වීම් දෙකක් හෝ තුනක් අමතද්දී සජිත් ප්‍රේමදාස මහතා එමෙන් දෙගුණයක් රැස්වීම් ඇමතීමත් ඒ හැම එකක් සඳහාම විශාල සෙනඟක් සහභාගී වීමත් මත පොහොට්ටුවේ පහළ සාමාජිකත්වය තුළ යම් නොසන්සුන්තාවක් ඇතිවී ඇති බව ආරංචිමාර්ග ප්‍රකාශ කළේය. 

රැස්වීම්වලට සහභාගී වන සෙනඟ යනු මැතිවරණ ප්‍රතිඵලයක් ගැන පුරෝකථනය කිරීමට එතරම් හොඳ නිර්ණායකයක් නොවෙතත් පවතින තත්වය බැරෑරුම් ලෙස භාරගැනීමට පොහොට්ටුවට සිදුව ඇති බවත් වාර්තා විය. 


   Gossip Lanka Political - ගොසිප් එකේ පොලිටිකල් එක.

Share on Google Plus

Right to Reply

Gossip Lanka Political වෙබ් අඩවියේ පලවන සැම පුවතක්ම වගකිමේන් යුතුව වාර්තා කරන බව අප ඉතා වගකිමෙන් යුතුව අවධාරණය කර සිටිමට කැමැත්තෙමු. එමෙන්ම අප විසින් කරන සියලුම අනාවරණයන් සම්බන්ධයෙන් අප වගකියන අතරම එම අනාවරණයන් හරහා ඔබ යම් අපහසුතාවකට ලක්වුයේ නම් ඒ සම්බන්ධයෙන් පිළිතුරු දිමේ අයිතිය අප විසින් තහවුරු කර තිබේන බව කරුණාවෙන් සලකන්න. ලියන්න – GLP
    Comment
    Facebook Comment

0 comments:

Post a Comment